Etienne de LA BOETIE (1530-1563) (Recueil : Vers françois) - Enfant aveugle, nain, qui n'as autre prouësse
Extrait du document
Etienne de LA BOETIE (1530-1563) (Recueil : Vers françois) - Enfant aveugle, nain, qui n'as autre prouësse Enfant aveugle, nain, qui n'as autre prouësse, Sinon en trahison quelque flesche tirer, Qui n'as autre plaisir sinon de deschirer En cent pieces les coeurs de la folle jeunesse ; Le corps sans honte nud si ton pere te laisse, Il monstre qu'on se doit loing de toy retirer, Qui n'as rien que les coeurs que tu peux attirer Par les traistres appas de ta main larronnesse. Meurtrier, larron, pipeur, dy moy, dy hardiment, Si rien aux tiens jamais tu donnas que tourment ? Ores, sans t'espargner, de toy je me veux plaindre, Quel mal me feras tu que je n'aye enduré ? Mes maulx m'ont fait meshuy contre toy asseuré ; J'ay desjà tant souffert que je n'ay rien à craindre.
Liens utiles
- Etienne de LA BOETIE (1530-1563) (Recueil : Vers françois) - Je veux qu'on sçache au vray comme elle estoit armee
- Etienne de LA BOETIE (1530-1563) (Recueil : Vers françois) - J'ay fait preuve des deux, meshuy je le puis dire
- Etienne de LA BOETIE (1530-1563) (Recueil : Vers françois) - Je publiëray ce bel esprit qu'elle a
- Etienne de LA BOETIE (1530-1563) (Recueil : Vers françois) - Quand celle j'oy parler qui pare nostre France
- Etienne de LA BOETIE (1530-1563) (Recueil : Vers françois) - Amour, lors que premier ma franchise fut morte